DEAD AS A DODO /  Wakka Wakka 

TORSDAG 05.09 kl. 18.00

FJALERHALLEN 

Framsyinga “Dead as a Dodo” er siste del av figurteaterkompaniet Wakka Wakka sin Animalia-trilogi. Vi har tidlegare vist dei to andre framsyningane; “Animal R.I.O.T.”, på saga i Bygstad i 2020, og “The Immortal Jellyfish girl” som vart spelt i Fjalerhallen i 2021 - begge  blant dei største publikumsfavorittene i festivalen si historie. Vi gler oss difor ekstra til å  presentere den nyaste framsyninga, som hadde premiere i Chicago i 2024, med eit stort ensemble. 

“Dead as a Dodo” gir oss innblikk i ei aldri så lita eksistensiell krise, i ei framtid som går tilbake til ei fjern fortid. Her møter vi ein skjelett-dodo og ein skjelett-neandertalar som grev etter ferske bein. Dei eldgamle skjeletta deira blir raskt dårlege, og dei er redde for å forsvinne heilt. Ein dag vert den daglege rutina forstyrra av ei merkeleg hending. Utan forsvarsel og på mirakuløst vis gror Dodo eit heilt nytt bein ?! Ei virvel av forandringar fører til at beinriket raknar, og den etablerte ordenen knusar. Den store reverseringa har starta. 

Framsyninga spelast på norsk og passar for alle (barn over 6 år). Da den hadde premiere i Chicago tidlegare år, var den spelt på engelsk og fekk glitrande kritikkar: 

“With great pops of humor, this backward dystopian tale unfolds, and hope blooms bizarrely in our hearts, all thanks to the charming layered world and trilogy Wakka Wakka has created. (Kimzyn Campbell,  Chicago reader) 

“Dead as a Dodo is a veritable, crowd-pleasing wonder. There was no other show I saw at this year’s festival that made me so frequently utter “wow” ! “ (Joshua Minsoo Kim , Tone glow)