LYKKE TIL, CATHRINE FROST !/ DET ANDRE TEATRET
TORSDAG 07.09 kl. 19.00
SAMVIRKET SCENE
- Humoristisk og djuptgripande one-woman show om byrjinga på livet !
Kven skulle tru at ei framsyning om fødslar skulle bli den store teaterhiten i 2023 ? Cathrine Frost si suksessframsyning «Lykke til, Cathrine Frost !» har spelt meir enn førti utselde framsyningar i Oslo, har fått elleville tilbakemeldingar av publikum og blitt nominert til Heddaprisen for beste teaterframsyning i 2023. Vi er glade for at Cathrine opnar festivalen - og Samvirket Scene - for oss med denne framsyninga !
Visste du at Sokrates var gravid ? Å jau, stadig vekk ! Han og kollegaene i tenketanken Athen meinte faktisk at dei fødde heile tida. Dei gav nemleg liv til det udødelege, reine og siviliserte; til IDEEN ! No er det derimot Cathrine Frost sin tur til å ta på seg togaen og ta styringa i sivilisasjonens vogge. Det har ho eigentleg ingen føresetnad for å klare.
«…en forestilling som borer dypt.»
(Aftenposten, terningkast 5)
«Lykke til, Cathrine Frost» er ei humorframsyning om filosofi, føding og folkehelse. Framsyninga har vore ein braksuksess sidan premieren på Det Andre Teatret i Oslo i fjor.
Skodespelar og manus: Cathrine Frost. Produsert av Det Andre Teatret. Regi og manus: Mats Eldøen. Produsent og manus: Marie Ulsberg, scenografi: Monica Valsø, kostyme Jenny Bernson, lyd- og lysdesign: Henrik Stoltz Vernegg, assisterende produsent: Ida Vaage Svee.
Foto: Anders Holmsen Utsigt
