ZAPPZARAPP/Fyllingsdalen Teater


LAURDAG 10.09. kl. 18.00

SUNDAG 11.09. kl. 12.00

SIRKUSTELTET

- Høytsvevande sirksusoppleving !


Sirkusframsyninga Zappzarapp hadde urpremiere under Festspillene i Bergen i 2022, til stor jubel frå eit ungt publikum og terningkast seks i Bergensavisa. No kjem dei til festivalen med den storslåtte framsyninga, der dei med akrobatikk, gjøgling og breakdans fortel ei historie om håp - og kjærleik. «Zappzarapp» er eit tysk sirkusord og  betyr 'ei kjapp rørsle for å stele'. I denne historia handlar det ikkje om tjuveri, men om å stele nokon sitt hjarte. Det oppstår nemleg søt musikk mellom ei sirkusprinsesse og ein utanfor sirkusmiljøet.

  

Med fire artistar frå Norge og USA i ensemblet set Zappzarapp fyr på sansane, og på leikent vis imponerer dei med overmenneskelege ferdigheiter og sirkusmagi. «Nysirkus» handlar om å bruke sirkus som historieforteljing. I motsetning til klassisk sirkus fortel ei nysirkusframsyning ei historie. Tradisjonen vert gjerne assosiert med  kompani som canadiske Cirque du Soleil, eller svenske Cirkus Cirkör. Det handlar om dans, luftleik, rå styrke og heftig kroppskontroll, fortryllande kostyme, dramatiske rytmar og feiande flott sirkusmagi.Framsyninga er utan språk, og passar for alle på tvers av bakgrunn og alder.


"Nysirkusoppvisningen «zappzarapp» er en flott oppvisning i akrobatikk, sjonglering, breakdance, lek med lyd og ikke så rent lite humor" (Terningkast 6, BA) 


"Heimelaga sirkusmagi" (Dag og Tid) 



Regi: Sturle I. Bjordal, Musikk: Jørn Lavoll Medverkende: Anne Arellano, Mathias Ramfeldt, Tinka Havnen, Trond Andre Hvidtsten Hansen. Produsert av Fyllignsdalen Teater.