- Spøkelsesteater i Helle Knivfabrikk  

I 1926 blei det funne ei kvinnegrav frå 500-talet i Holmedal. Ein båt med eit gravhus og eldgamle gjenstander vart gravd fram då meieri-fabrikken der skulle utvidast. Funnet tilsa at det var ei kvinne som låg der. Då Helle knivfabrikker tok over bygningane i 1943 begynte folk å snakke om ei dame i svart, ei dame som ikkje var av denne verda. Arbeidarane på knivfabrikken såg henne oftast inne i den eldste delen, mellom dei tyngste maskinene. Dei nekta å jobbe der på søndagskveldar for då fekk dei ei intens kjensle av å vere uønska.

På Holmedal Montessoriskule har dei lært om gravfunnet og oppmuntrar elevane til å finne ut meir. Jentene i 7.klasse tek saka i eigne hender og får tak i nøklane til Helle knivfabrikk. Dei snik seg inn seint ein søndagskveld og prøver å finne ut ein gong for alle kva som hendte med den Sorte Dame.

Aldersgrense: 9 år.

Tekst: Rolf Losnegård. Etter ein ide av Jeff Pedersen. Tekstarbeid og regi: Idun Losnegård og Vilde Sævik med innspel frå ungdomsgruppa i Stangfjord Teater som også er medverkande aktørar. Lyddesign: Viljar Losnegård, Koreografi: Jeff Pedersen, Medverkande: Nanna Furevikstrand, Lea Losnegård Pedersen, Oda Losnegård Vasseth og Selma Sophie Svellingen Mjåseth Produksjon: Stangfjord Teater i samarbeid med Askvoll Kulturskule.Med støtte frå Teater Vestland. Takk til Töddel for plakatbilete.